атыыр ке5ен туьунан хоьоон сааьы кэтэьэ таарыйа айбыт хоьооммут Баьылай Лэгэнтэйэп

Кыбыллан олордохпуна,

Күөгэлдьийэ күөрэйэн,

Кэлтэрийбит быһыым,

Көтүллэн халыйда,

Кэннибиттэн ыкта,

Куйахам күүрдэ,

Көхсүм иһиттэн,

Көтүгэн быһыы,

Көтүмэх үлүгэр,

Кэрэгэй татым,

Кэтэх санаа

Көтөн түстэ, 

Куһаҕан тыын

Кэриэрбит сыт

Кууста миигин,

Киктэ тута,

Кытаат диэтэ,

Кымаахтаан ылла,

Киринэн сыбаата.

Соҕуруу Арыы ыаллара 18-с үйэҕэ уонна 19-с үйэ бастакы аҥарыгар 1-Нөөрүктээйи нэһилиэгэр киирсэллэрэ. Соҕуруу Арыы диэн, билиҥҥи Дабаан дэриэбинэтин билиҥҥи оттуур Улахан арыыларын ааттыыллара үһү. Онно 18-с үйэҕэ уонна 19-с үйэ бастакы аҥарыгар олоро сылдьыбыт дьоннору Соҕуруу Арыы ыаллара диэн ааттыыллара. Нэ-һилиэк сүрүн олохтоохторо Бири үрэх түөлбэлэрин батыһа олорбуттар. Бири үрэхтэн соҕуруу өттүгэр олорор бары бөлөх ыаллары барыларын” Соҕуруу Арыы ыаллара” диэн аат иҥэрбиттэр. Былыр бөлөх соҕус биир сиргэ олорор дьоннору”ыаллар» диэн ааттыыллара. Онтон “бөһүөлэк», «дэриэбинэ» диэн нууччалар кэлбиттэрин кэннэ «ыаллары» ааттыыр буолбуттар. Соҕуруу Арыы ыаллара үксүлэрэ арыыларга киирэн кыстыыллара, сайын бэлэмнээбит отторугар сүөһүлэрин аһаталлара. Саас эрдэ, үрэх киириэн иннинэ, көһөн тахсан, Чүөмпэ үрдүнээҕи кытылга – “Көлөгөөҥҥө», «Толлор-го», “Уулаах Ааҥҥа”,”Соҕотох Бэскэ” тахсан сайылыыллара, нэчимиэн бурдук ыстал-лара.